Daar is drie pragtige kampterreine op die plaas: Hoofkamp, Jagkamp en Simbakamp, elkeen met sy eie kombuis, lapa, saal en swembad. Lees meer, en sien foto's van Hoofkamp, Jagkamp, Simbakamp.

Die sale by die kampe maak voorsiening vir konferensies en die aanbied van kampgroepe. Tafels en stoele word voorsien. Sien foto's ...

Etes word deur die Kwaggasrus span voorsien, en jy kan verseker wees dat daar nie afgeskeep word met kos nie!!!

Die meeste chalets is toegerus met 'n eie badkamer, en sentrale ablusiegeriewe is beskikbaar. Sien foto's ...

Verskeie tipes wild is op die plaas te sien , nl. rooibokke, koedoe's, blesbokke, blouwildebeeste, volstruise en 'n verskeidenheid voëltipes.

Die 4 x 4 baan is 'n uitdaging vir die entoesias wat sy speelgoed met veiligheid wil kom toets. Die baan bestaan uit 'n mensgemaakte gedeelte waar al die funksies van die voertuig veilig uitgetoets kan word. Die veldbaan is egter nie vir sissies nie, en gedeeltes daarvan vra vir ondervinding en moed!!!

Speel en pret is deel van die Kwaggasrus ervaring. Wanneer laas het jy foefieslide gery, of kleilat gegooi? Die twee droë foefieslides vereis so bietjie durf en strek oor 'n afstand van 76 meter. Sien foto's ... Die nat foefieslide land binne-in 'n dam, en sorg vir oneindige pret. Sien foto's ... Daar is ook voorsiening gemaak vir rotsklim, hindernisbane, skyfskiet en die kleilatgat maak van elke man weer 'n kind. Sien foto's ...

Met ons pragtige kapel bied Kwaggasrus jou ook die ideale trou-venue. Klik hier om na foto's daarvan te kyk >>